Mit Kaaksborg (Kaaksburg) meent man vundaag de Resten vun en Ringwall, de binnen in üm un bi 90 Meter Dörchmeter un rundherüm Gravens hett. Düsse Konstrukschoon ut Holt un Eer maak man domals op en Geestsporn twüschen Bekau un Möhlenau. Man keek, wat de Ruum vun de Natur to beden harr, dat geev veel siede Sumpland, wo man nich dörkamen kunn. In de Noordoosten-Richt funn man överto en Vörwall.

Lüüd ut de Tiet hebbt nix dorto opschreven. Den Naam hett man eerst later vun dat Dörp Kaaks afleit. Dorvun höör man 1378 dat eerste Mal as Kakertze. De eerste opschreven Henwies op de Kaaksborch stammt ut de twete Hälft vun dat 16. Johrhunnert. Op de anner Siet hebbt Archöologen en ganzen Barg funnen, wona man wat utseggen kann över de Form vun de Anlaag un woans man dat in de Historie insorteren kann.

So kunn man veel sekern: Wahn- un Vörratskuhlen, Delen för den Huushoolt, Wapen un en Reeg vun Smuckstücken. Wan man ut Keramik funnen hett – Toonpött un Schören dorto – de sünd vunwegen ehr Form ut de Tiet vun’t  9. un 10. Johrhunnert. Wat man dor rutfunnen hett, deckt sik mit dat Afglieken vun de Johrsringen bi Boomstämm, de man wohrschienlich för de ünnerste Konstrukschoon vun den Wall bruukt hett. De wiest in de 840er Johren.

De Kaaksborg bo man also nich in de Sassentiet för dat Afwehren vun de Franken, de sik utbreden wullen, sünnern eerst later, as rundümto al de Franken allens kuntrolleren deen. Dat gifft keen Twiefel, dat de Borg in düt Rebeet för de Herrschers wichtig weer. Nich toletzt wegen ehr Laag direkt an den Övergang över de Bekau vun’n westlichen Heerweg höör se to dat Nett vun Wegen in düsse Tiet un weer ok för de Kuntroll dor. Se höör ok to en Hannelssystem, wat wieder spannt weer, dorto. Dat mark man dor an, dat man wat ut Skandinavien un sogor ut Arabien funnen hett.

Text: F.Z.

Överdragen in't Plattdüütsche: M.E.