In de Fröhe Neetiet wannern Theatertruppen dör Sleswig-Holsteen. Privilegeerte Truppen besöchen mehr un mehr Steden in’n 17. un 18. Johrhunnert, un af un an spelen se ok in Itzhoe (Itzehoe), Glückstadt, Kremp (Krempe) un in Kellinghusen.

In‘t 20. Johrhunnert etableer sik in Itzhoe en faste Theaterbedrief mit en egen Ensemble. Blots för en korte Tiet geev dat dat „Vereinigte Stadttheater Itzehoe-Heide“ vun 1917. Direkt na den Tweten Weltkrieg, al 1945, organiseer sik dat Theaterleven op niege Oort. 1946 grünn man de „Schaubühne Itzehoe“, de wannel man een Johr later üm in de „Stadttheater Betriebs-GmbH“. Jüst so as vele anner Bühnen, de den Theaterhunger vun de Düütschen in de mageren Johren na den Krieg för sik bruken deen, keem dat Theater in Itzhoe nich dör de „Währungsreform“ vun 1948. Dat müss denn 1949 ganz opgeven, ok en Schauspelergrupp kunn dat nich redden.

Na den Daalslag in de Midd vun’t Johrhunnert speel toeerst de Landsbühn Rendsborg in Itzhoe, af 1974 dat Sleswig-Holsteensche Landstheater un Sinfonieorchester un ok anner Gastspeelbühnen. De „Verein zur Förderung eines Theaters in Itzehoe“ kunn 1992 dat niege Stadttheater fiern. Gottfried Böhm harr den Plaan dorför maakt, De Itzhoer Speeldeel mit ehr rieke Traditschoon wieh dat Huus in.

In’t 20. Johrhunnert keem to dat Theater in vrescheden Städer op dat Kreisrebeet dat Kino dorto. Eerst wannern noch de Filmvörföhrers, man al bald geev dat egen Hüüs. Sien beste Tiet in Steenborg beleev dat Kino twüchen de 1920er un de 1950er Johren. Do geev dat besünners veel Lichtspeelhüüs. En besünner Rull spelen Itzhoe un Glückstadt, in beide Städer geev dat mehr as een Huus un dorüm Konkurrenz.As dat Feernsehn opkeem, renteren sik later nich mehr all Hüüs. Fröhe Inrichtens vun Kinos geev dat al 1909, so dat Biograph-Theater in Itzhoe vun Kuno Lau.

Text: A.S.

Överdragen in't Plattdüütsche: M.E.