De Ossenweg (ok Heerweg oder Königsweg) bill siet dat Middelöller bet üm un bi in’t 19. Johrhunnert en Hööfttverkehrsstreck för de Veehdrift twüschen Noordjütland un de Elv. In tominnst twee Hööftassen föhr he över den olen Heer- un Geestweg över Husum, ehr dat de Wegen in Rendsborg (Rendsburg) tosamendrepen. Man kort achter de Stadt delen se sik wedder op. Een Streck leit de reisen Lüüd över Bramstedt, de twete güng över Itzhoe (Itzehoe).

Besünners in de Fröhe Neetiet is op den Ossenweg starken Verkehr. Jeedeen Johr drifft man ca. 50.000 Ossen över den Ossenweg na de Markten so as in Itzhoe, Wedel un Hamborg (Hamburg).

Överresten in Oortsnaams un Wapens (t. B. Kaisborstel, Peissen) sorgt bet vundaag dorför, dat man sik an düsse Verkehrsader in Sleswig-Holsteen besinnt.

In‘t 19. Johrhunnert güng dat los mit de Tiet vun de Industrie, do müss man op’t Land un op’t Water moderner warrn. Man bo de Chaussee un de Iesenbahnlinie twüschen Altona un Kiel ut.

So kunn man de Göder gauer transporteren, un för de Dörper un Städer an den Weg weer dat ok goot.

Glückstadt un Rendsborg sloot man al 1845 an dat Bahnnett an, Itzhoe keem eerst 1847 dorto. Kort dorna steeg de Stadt aver op as en wichtige Steed för de Industrie. An den Anfang vun dat 20. Johrhunnert keem dordör en besünner Bowark dorto, wat fö de Infrastruktur in’n Kreis Steenborg heel wichtig weer: De so nöömte Alsensche Drahtseilbahn (alternativ Agethorster Drahtseilbahn) verbunn twüschen 1908 un 1977 den Afbo vun Toon in de Groven in Wacken, Agethorst un Nienbüttel direkt mit de Zementfabrik Alsen in Itzhoe. De weer 12 km wieder langs. Jeedeen Dag transporteren 270 Loren op düsse Wies 400 Tonnen Toon in de Stadt, wo man den wieder verarbeiden dee.

Text:L.P.

Överdragen in't Plattdüütsche: M.E.